首創多視窗Android運作
港產微型電腦揚威國際
【本報訊】「邊個話本地薑唔辣，我哋研發全世界第一部多視窗Android超微型個人電腦，喺美國CES（國際消費電子展）展出，啲鬼佬睇到伸晒脷，豎晒 手指公。」本港參展商昨手持名為「寶寶」的電腦自豪地說。應用科學院早前拉大隊將14項本地研發創新科技在CES大晒冷，吸引近百買家爭相洽購，揚威海 外。
記者：蔡朗清
應科院行政總裁張念坤表示，院方早前首次參加在美國拉斯維加斯舉行的2014年國際消費電子展，將14項已商品化的本港研發創新科技一次過展出，吸引逾萬 海外買家參觀，當中85名客戶洽購，「今次展覽畀全世界人睇到香港創新科技產品一啲唔輸蝕」。
其中令外國人「伸脷」、全球首個多視窗 Android超微型個人電腦的開發商佳駿科技董事總經理簡錦源表示，Android操作系統十分流暢，惟操作時只能單視窗，未能稱得上屬功能性的個人電 腦，「Android板腦娛樂功能冇問題，但用嚟做嘢就唔方便」，今次採用應科院研發兩年的安卓圖形處理器，突破Android過去未能多視窗同時運作的 缺陷；超微電腦可接駁傳統VGA屏幕及現今流行的HDMI屏幕，更可採用智能手機操控。
定價僅780港元
簡即場示範利用手機以廣東話聲控電腦寫出「利是逗來」，結果快而準；他說，超微電腦更集合個人電腦、機頂盒及無線網絡存取點三大功能，「定價100美金（約780港元），你話抵唔抵？首批產品名叫寶寶，約4月網售」。